Rógvarar skulu hava atgongd til vask, sápu og spritt til hvørja venjing.
Kappróðrarfeløgini skulu skipa venjingina soleiðis, at bara ein manning er í neystnum í senn. Orsakað av smiuvanda verður mælt til, at manningin er tann sama til allar venjingar.
Skiftingarrúm/brúsurúm og styrkirúm eru stongd – rógvarar skifta heima áðrenn og eftir venjing.
Rógvari hevur sín egna drekkidunk og vest við til venjing.
Vestar og venjingarútgerð skulu í mestan mun handfarast av sama persóni, og útgerðin skal vaskast/sóttreinsast áðrenn og eftir venjing.
Um mann er sjúkur, er mann heima og møtir ikki til venjing. Um mann ivast, er mann eisini heima. Sjúkutekin: fepur, ilt í hálsinum, hosti, trongd.
Allar venjingartíðir skulu yvirhaldast. Kann venjing ikki vera ásettu tíðina, má hon avlýsast og vera næstu ferð.
Bátur og allir leysir lutir í bátinum skulu sóttreinsast við yvirflatuspritti - 70-80% eftir hvørja venjing. Fylg vegleiðingini fyri vøruna. Brúka evt. eina gloriasproytu.
Í sambandi við manningarskifti kemur fyrra manningin upp á land við bátinum og sóttreinsar bátin og allar leysar lutir, áðrenn næsta manningin tekur yvir. Er bara ein manning um bátin, skulu tollar og stokkar sóttreinsast eftir venjing.
