REGATTA | Hósvíkar Róðrarfelag

TILMELDING OG ATGONGUMERKJASØLA

Tilmelding fer fram á www.hvr.fo/tilmelding

Atgongumerki inniheldur eina Regattablusu, døgurða og morgunmat í Hósvík og ymiskt undirhald á kajøkinum.

Atgongumerki kostar kr. 200,-

Børn undir 14 ár kr. 100,-

Atgongumerki kunnu keypast í bygdarhúsinum í Hósvík dagarnar áðrenn Regatta, á Eiði áðrenn fráferð, og við bátahylin í Hósvík, meðan tiltakið er.

FRÁFERÐ AV EIÐI

Regatta verður fríggjadagin 15. august 2025.

Kappróðrarbátar fara av Eiði kl. 15:00.

Motorbátar sigla kl. 15:30.

Siglt verður í fylgi við róligari ferð allan vegin suður gjøgnum Sundalagið. Siglingin er skipað í samráð við bjargingabátar, sum eisini hjálpa til, tá farið verður undir brúnna við Streymin.

Samskift verður umvegis VHF á kanal 8.

TRYGDIN UMBORÐ

Tað er sera týdningarmikið, at øll umborð á bátunum hava bjargingarvest og aðra kravda trygdarútgerð.

Bjargingarbátar eru við í siglingini.

KAPPRÓÐRARBÁTAR

Tað er sera vælumtókt at koma við kappróðrarbáti á Regatta. Hetta er ein sera góður róðrarteinur.

Siður er, at fara uppá Grønhólm ávegis til Hósvíkar at kvøða.

Hetta er ein góður møguleiki at samla manningina fyri seinastuferð og rógva summarið av.

ÚTVARP

FM1 sendur beinleiðis frá tiltakinum.

Hetta er ein hugnalig sending at lurta eftir, meðan siglt verður suður gjøgnum Sundalagið.

HÚSVOGNAR

Húsvognar koma at standa á kaiøkinum við bygningarnar hjá Thor og RenoVent.

Hetta økið er hugnaligt og liggur tætt uppá øll tiltøkini á kaiini.

Vognurin fær streym, vatn og eisini er møguligt at tøma rottangan.

Einki eyka gjald er fyri vognin.

MATUR

Ruben Busk ger døgurða til allar Regatta luttakarar aftur í ár. Ruben er Hósvíkingur og er hann kendur fyri at gera sera góðan mat. Hann rekur fyritøkuna MATsmiðjan hjá Ruben Busk, har hann eisini selur tann vælumtókta Ræstkjøtaburgan.