TILMELDING OG ATGONGUMERKJASØLA
Tilmelding fer fram á www.hvr.fo/tilmelding
Atgongurmerki inniheldur eina Regattablusu, døgurða í Hósvík og ymiskt undirhald á kajøkinum.
Atgongumerki kostar kr. 200,-
Børn 4 - 14 ár kr. 100,-
Børn 0 - 3 ár ókeypis.
Atgongumerki kunnu keypast í Á við Norðskála (frá mikudegnum), á Eiði áðrenn fráferð og við bátahylin í Hósvík, meðan tiltakið er.
FRÁFERÐ AV EIÐI
Regatta verður fríggjadagin 11. august 2023.
Vanliga fara kappróðrarbátar fara av Eiði um 15 tíðina, alt eftir hvussu streymurin er og motorbátar sigla ein hálvan tíma seinni.
Siglt verður í fylgi við róligari ferð allan vegin suður gjøgnum Sundalagið. Siglingin er skipað í samráð við bjargingabátar, sum eisini hjálpa til, tá farið verður undir brúnna við Streymin.
Samskift verður umvegis VHF á kanal 8.
TRYGDIN UMBORÐ
Tað er sera týdningarmikið, at øll umborð á bátunum hava bjargingarvest og aðra kravda trygdarútgerð.
Bjargingarbátar eru við í siglingini.
KAPPRÓÐRARBÁTAR
Tað er sera vælumtókt at koma við kappróðrarbáti á Regatta. Hetta er ein sera góður róðrarteinur.
Siður er, at fara uppá Grønhólm ávegis til Hósvíkar at kvøða.
ÚTVARP
FM1 sendur beinleiðis frá tiltakinum.
Hetta er ein hugnalig sending at lurta eftir, meðan siglt verður suður gjøgnum Sundalagið.
HÚSVOGNAR
Húsvognar koma at standa á kaiøkinum við bygningarniar hjá Thor og RenoVent.
Hetta økið er hugnaligt og liggur tætt uppá øll tiltøkini á kaiini.
Vognurin fær streym, vatn og eisini er møguligt at tøma rottangan.
Einki eyka gjald er fyri vognin.
MATUR
Ruben Busk ger døgurða til allar Regatta luttakarar. Ruben er Hósvíkingur og er hann kendur fyri at gera sera góðan mat. Hann rekur fyritøkuna MATsmiðjan hjá Ruben Busk, har hann eisini selur tann vælumtókta Ræstkjøtaburgan.
LIVANDI TÓNLEIKUR
Um kvøldið eru framførslur frá føroyskum tónleikarum í Tónaneystinum.
FELAGSSANGUR
Vanligt er at felagssangur er á kaiøkinum kl. 23
SØLUNEYSTINI
Í Kaffi- og Ølneystinum fæst ymiskt til keyps. Millum annað: atgongumerki, vafflur, kaffi/the, kakao, pylsur og annað.
DANSUR
Góður dansur í bygdarhúsinum frá midnátt.
Kostnaður kr. 150,-
MORGUNMATUR
Sum Regatta luttakari fær man morgunmat í bygdarhúsinum. Morgunmaturin er leygarmorgunin frá 08.00 - 11:00.