Search
  • Hósvíkar Róðrarfelag

Rógvið summarið av á Regatta



Hósvíkar Róðrarfelag bjóðar øllum róðrarfólkum og áhugaðum annars at koma við á Regatta fríggjadagin 12. august!

Hetta er ein gyltur møguleiki at savna manningina fyri seinastu ferð og rógva summarið av!


  • Kappróðrarbátar rógva av Eiði til Hósvíkar kl. 16:00

  • Atgongumerkið fæst til keyps á kaiini á Eiði og í Øl-neystinum í Hósvík fyri 200 kr.

  • Við í kostnaðinum er tann eyðkenda Regattablusin, armband, døgurði í bygdarhúsinum, tá komið verður til Hósvíkar, og morgunmatur leygarmorgun.

  • Áðrenn miðnátt, verða ymisk tiltøk niðri í neystunum við bátahylin við live tónleiki, felagssangi og røðu. Sí skránna á facebook síðuni “Regatta í Hósvík”

  • Regattadansur verður í Bygdarhúsinum á miðnátt, og kostnaðurin er 150,-

  • Á Eiði er góður dráttur til at flota bátin. Somuleiðis er góður dráttur á kaiini í Hósvík og við róðrarneystið hjá Hósvíkar Róðrarfelag, har bátarnir kunnu dragast aftur. Eisini er lætt atkomiligt við bátavogni.

  • Um tørvur er á at sleppa undir brús, er møguligt at lána brúsurnar hjá Hósvíkar Róðrarfelag

  • Tjaldingarøkið er sett av, sum Regattaluttakarar hava møguleika at brúka, ókeypis.

  • Tilmelding fer fram á www.hvr.fo/tilmelding – seinasta freist at melda til er á miðnátt mikukvøldið 10. august.


Áheitan frá vaktarbátunum: vísið góðan sjómanssið og aktið boðini frá okkum!

Les meira um tiltakið á heimasíðuni hvr.fo/regatta ella á facebooksíðu okkara “Regatta í Hósvík”


Við róðrarkvøðu

Hósvíkar Róðrarfelag


0 views0 comments